KUERPO POLISIAL KÒRSOU 

 

KOMUNIKADO DI PRENSA 291/2025 19 yüli 2025 

Dos detenshon relashoná ku maltrato 

Djabièrnè 18 di yüli 2025 alrededor di 19.27’or, sentral di polis a dirigí un  unidat polisial den área di Kaya Wladimier “Coco” Balentien pa un kaso di  maltrato. 

For di investigashon preliminar ku polis a hasi na e sitio a sali na kla ku despues  di un diskushon entre tres hòmber pa motibu di un pago, dos di hòmbernan  aki a maltratá nan víktima ku un opheto di heru. 

Despues di nan akto e sospechosonan a bandoná e sitio. 

Mas lat a detené e dos hòmbernan aki na warda di polis Rio Canario. 

Ta trata di hòmbernan E.E. di 52 aña di edat i Y.F. di 36 aña di edat ámbos  nasé na Haiti, pa e kaso ariba menshoná. 

A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.