Parlamento di Kòrsou Presidente di Parlamento, Sr. Fergino Brownbill, tabata presente na konmemorashon di 242 aña di e fecha natal di Simón Bolívar i selebrashon di 88 aniversario ku Sosiedat Bolivariana di Kòrsou a keda fundá.
Parlamento di Kòrsou
Presidente di Parlamento, Sr. Fergino Brownbill, tabata presente na konmemorashon di 242 aña di e fecha natal di Simón Bolívar i selebrashon di 88 aniversario ku Sosiedat Bolivariana di Kòrsou a keda fundá.
E evento a tuma lugá djaweps 24 di yüli 2025 na Plasa Bolívar na Scharloo, kaminda sr. Brownbill, na nòmber di Parlamento di Kòrsou a partisipá na e ofrenda floral komo homenahe na e legado di e Libertador.
Durante e seremonia, Monseñor. Luis Secco a risibí un rekonosementu komo Personalidat di Aña, miéntras ku e studiantenan sobresaliente den e idioma Spañó, a risibí e Premio Bolivariano.
E aktividat a sirbi komo un momentu di reflekshon riba e balornan di union, edukashon i liderato ku Simón Bolívar a simbolisá.
