KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Insidente na un hotèl lokal

 

KUERPO POLISIAL KÒRSOU
KOMUNIKADO DI PRENSA

309/2025

29 yüli 2025

Insidente na un hotèl lokal

Djaluna 28 di yüli 2025 alrededor di 18.48’or, Sentral di Polis a dirigí un unidat polisial pa un hotèl riba Pater Eeuwensweg, pa un plafon ku parsialmente a bini abou.
Na yegada di e unidat, el a tuma nota ku e plafon di geps na e segundo piso di e hotèl a kai despues ku esaki a mua debí na un tuberia ku a kibra. Mesora personal di e hotèl a drenta den akshon i a kuminsá evakuá e bishitantenan ku tabatin un kamber riba e piso ei. Ningun persona a sali leshoná.
Huntu ku Departamentu di Inspekshon di Seguridat a tuma medidanan di prekoushon serando e área te na momentu ku kaba ku e trabounan di reparashon.

639114718427035"
639114718427035"