Gobernador interino ta ricibi Embahadora di Colombia den Reino
Gobernador interino ta ricibi Embahadora di Colombia den Reino
ORANJESTAD -Riba 4 di augustus 2025 Gobernador interino di Aruba, Su Excelencia Agustin Vrolijk, a ricibi Sra. Carolina Olarte Bácares, Embahadora di Colombia den Reino, pa un audiencia na Cas Ceremonial di Gobernador.
Durante e audiencia e tabata acompaña pa Sra. Patricia Cortes Ortiz – Directora di Asuntonan Europeo na Ministerio di Relacionnan Exterior di Colombia, Sr. Gustavo Serrano Amaya – Consul di Colombia na Aruba, Sr. Luis Fernando Lara Cogolla, Capitan di e barco ARC Gloria, y Sr. Xavier Simileer – Funcionario di politica huridico na Departamento di Relacionnan Exterior.
Tabata un bishita di cortesia durante cual, entre otro, a trata e rol di e barco ARC Gloria pa metanan diplomatico como tambe e cooperacion estrecho entre Colombia y Aruba riba e areanan di comercio, migracion, siguridad y cuido di salud.
Potretnan: © Kabinet Gouverneur Aruba
Gobernador interino di Aruba, S.E. Agustin Vrolijk, ta ricibi sra. Carolina Olarte Bácares, Embahadora di Colombia den Reino, pa un audiencia na Cas Ceremonial di Gobernador.