KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

“Ta berdat ku Gobiernu no mag di sera indokumentadonan mas?”

 

 

 

“Ta berdat ku Gobiernu no mag di sera indokumentadonan mas?”

Despues di e sentensia di Korte Superior di 30 di yüli 2025 den e kaso di dos Venezolano indokumentá, varios persona i organisashon a konkluí ku Korte a determiná ku Gobièrnu di Kòrsou no mag sera indokumentadonan ku drenta pais via di lancha di forma ílegal mas. Pero esaki ta bèrdat? Ta bèrdat ku no mag sera indokumentadonan ku keda detené despues ku nan trata di drenta pais riba lancha mas? Mester laga nan kana liber? Kiko esaki ta nifiká pa e posibilidat di Kòrsou pa protehá su frontera? 

Nò. Korte Superior no a determiná esaki. Kiko si e sentensia di Korte Superior ta nifiká? 

Na promé luga, durante tratamentu di e kaso, Minister a basa su detenshon di e personanan indokumentá primordialmente riba e echo ku nan a drenta pais di forma ílegal, den e kaso aki via lancha. Esta tur persona ku wòrdu detené i a purba di drenta pais ílegal, ta keda será wardando deportashon. Un persona por drenta pais di forma legal (por ehempel via di aeropuerto) i bira ílegal dor ku su periodo legal a pasa. E persona aki segun e maneho di Gobièrnu, no òutomatikamente ta bai será, wardando su deportashon. Pa e personanan aki, sa usa e metodo di “meldplicht”, ku ta enserá nan number di kontakto ta konosí serka Immigrashon I ku 1 biaha pa siman nan tin ku mèldu en persona serka Immigrashon i mustra nan disponibilidat pa presentá momentu ku nan tin ku keda deportá. 

Korte a konkluí ku no tin base legal pa e maneho aki. Esta ku lei no ta hasi distinshon entre un persona indokumentá ku drenta di forma legal i unu ku drenta di forma ílegal. Kemen segun Korte Superior, no por hustifiká detenshon di personanan indokumentá riba simplemente e motibu ei. Korte ta konkluí ku segun tratadonan internashonal I tambe nos areglo di estado, leinan lokal mester regla e base pa detené un persona (tambe den barak) di forma kla i nos leinan no ta regla esaki, pues e maneho ta kontra lei. 

Esaki no ta nifiká sinembargo, ku no por detené un persona asina’ki. 

Den e mesun sentensia, Korte ta dikta, ku e argumento di Gobièrnu, ku un persona ku drenta pais di forma ílegal, sin dokumentonan di identifikashon (balido), sin un kaminda di keda, sin entrada fiho i sin famia na Kòrsou, ta: 

  • forma un peliger pa orden públiko i seguridat nashonal i ku un persona asina ta;
  • karga un riesgo grandi ku e ta hui pa su deportashon.

Ta argumentonan sufisientemente fuerte i hustifiká pa detené e persona. 

 

Quincy Girigorie

Lider di Frakshon

639114718427035"
639114718427035"