Un experencia cu e poeta mes ta describi como “Un experencia hopi bunita”. Genesis a conta publico presente un poco di su desaroyo como poeta y e proyecto di publica un coleccion di poema y tambe busca un titulo pa su coleccion di poema. Esaki ta un seleccion di poema skirbi durante hopi aña, durante diferente fase di e poeta su bida. E ta describi nan como poema di amor. Amor den diferente forma y pa diferente hende den su bida.

Inspiracion ta bini for di diferente emocion, for di diferente experencia diariamente. Genesis semper ta capta su experencia di bida y emocionnan den palabra y despues ta elabora y sigui forma den su estilo poetico.

E bunita artwork pa e publicacion aki ta di Carla Garcia.

Genesis a entrega 5 ehemplar di ‘Miel di abeha’ na Biblioteca Nacional Aruba.

‘Giraluna’, nomber di cariño di Genesis, ta un poeta hoben di Aruba y Giraluna ta biba actualmente na Hulanda. Giraluna ta docente di Ingles. Giraluna ta describi su coleccion di poema como “a collection of love written in Papiamento, for anyone who knows that sometimes love is language.”

Pa haya un idea of sabor di su poemanan por bishita e website di Giraluna.