Klousura siman di tráfiko sigur

Willemstad – Awe VVRP ta sera e “Siman di Tráfiko Sigur” ku tabatin komo enfoke e tema: vehíkulonan safe den nos tráfiko.

Un di e akshonnan klave ku a tuma lugá e siman aki tabata, pone un komishon riba pia ku ta konsisti di diferente ‘stakeholder’ pa bini ku proposishonnan pa kambio di artíkulonan den nos lei di tráfiko ku por kontribuí na vehíkulonan mas safe den nos tráfiko. Pa kulminá e siman, riba djabièrne 22 di ougustùs tabatin e lansamentu ofisial di Boletin Análisis Komportashon den Tráfiko. E boletin ta duna un indikashon di sifranan di aksidente ku a tuma lugá durante e promé mitar di aña 2025 i na unda e situashon den tráfiko tabata mas intenso.

E informashon balioso aki tabata posibel pa medio di Grupo di plataforma Tráfiko

Sigur den estrecho koperashon ku ForenSys i Polis di Trafiko. Den un ambiente ameno, esnan presente a keda deleitá ku e kantika “Move Trankil”, un kolaborashon inspirá entre VVRP i artistanan for di nos mundu musikal. E kantika ta kontené un mensahe fuerte i kla: move trankil den nos trafiko, pa proteha bida di tur hende.

Tin diferente programa pa motivá pueblo kompletu pa reflehá riba nan komportashon den tráfiko. E meta final: krea un kultura di seguridat, rèspèt i pasenshi den den nos tráfiko. Nos ta sigui traha ku tur loke tin na nos alkanse pa un tráfiko mas sigur.