Kampeonnan di Karibe vòli a yega kas

Durante fin di siman tras di lomba e selekshon seniòr maskulino di vòlibòl di Kòrsou a titulá kampion di Karibe na Bahamas. E kampionato a tuma lugá di 16 te ku 23 di ougùstùs último.

Tabata un torneo regional ku a konta ku partisipashon di 7 selekshon seniòr maskulino di Karibe, i den kua e selekshon di Kòrsou a sa di dominá i a logra e título máksimo di forma invikto.

Djaluna e kampeonnan a yega kas bou di un kaluroso pabien di famia i fanátikonan. Debido na un kompromiso médiko, Minister di Enseñansa Siensia Kultura i Deporte, Sithree van Heydoorn, no por tabata presente, pero a risibí digno representashon den persona di Minister Charetti America Fransisca pa risibí nos kampeonnan.

Danki pa a representá Kòrsou ku pashon i determinashon.