Renobacion di brug banda di Wilhelmina Park
Renobacion di brug banda di Wilhelmina Park
ORANJESTAD- Departamento di Obra Publico ta informa comunidad di Aruba cu entrante diasabra 13 di september 2025 lo cuminsa cu e proyecto di renobacion di e brug banda di Wilhelmina Park.
E trabounan lo tuma lugar na banda y abao di e brug den e lagoen. Pa haci esaki lo pone 2 dam temporalmente cada banda di e brug pa saca e awa abao di e brug.
E trabounan cu ta bay tuma lugar ta drechamento di e concreto y heronan cu durante aña nan a daña y a cuminsa brokkel af, (betonrot). Tambe lo bay pone un tuberia pa riolering nobo den lagoen y lo instala un reling nobo y verf e brug.
E trabounan relaciona cu e proyecto di renobacion di brug di Wilhelmina Park, lo tin den total un duracion di 60 dia di trabou.
DOW ta pidi comprension y cooperacion pa e trabounan cu mester tuma lugar y ta pidi disculpa pa cualkier inconveniencia cu por surgi.