Pa hopi famia, e monumento ta un luga sagrado pa honra nan ser keri cu a sali bay lama y nunca a bolbe. Despues di 13 aña, Ministerio di Turismo, Transporte y Labor, a pone e restauracion como prioridad.

Artista Fernando Vermeer y Gilbert Senchi a traha riba e proyecto, cu sosten di Santa Rosa, Hadicurari y famia di e piscadonan. Den total tin 42 nomber graba riba e monumento. E restauracion ta incluí marmol, brons y material special pa proteha e obra, mientras cu elementonan simbolico manera e compas y e hanzue di piscado ta keda preserva.

Minister  di Turismo, Transporte y Labor mr. Wendrick Cicilia a enfatisa cu e inauguracion lo ta un momento pa rindi honor na tur esnan cu a bay sin despedi, pero cu semper ta keda recorda cu hopi amor y tristesa.