Plenchi di Trabou ta e sentro di trabou sentral na Boneiru, i e tin un papel klave den mediashon laboral na e isla. Un di e tareanan prinsipal di Plenchi ta sosten di tantu esnan ku ta buska trabou komo e dunadó di trabou pa haña kombinashonnan duradero. Ademas, Plenchi ta atministrá e lokèt di vakatura, ofresé trayekto di guia i entrenamentu, i ta ehekutá e asina yamá ‘tèst insular’. E tèst aki ta determiná si tin kandidatonan lokal adekuá, promé ku un dunadó di trabou por tuma un trahadó eksterno via di e pèrmit di trabou.

Resultadonan prinsipal

E resultadonan ta konfirmá e importansia di Plenchi di Trabou komo wowo di kadena riba e merkado laboral boneriano. Tantu e stakeholdernan komo e dunadó di trabou ta enfatisá e balor adishonal di e organisashon, i ta mira espasio pa mehorashon mas aleu.

Shete rekomendashon

E informe ta kontené shete rekomendashon sentral. Entre otro, nan ta dirigí riba splikashon di mishon i rumbo, mehorashon di e atministrashon di dato i e sistema di registrashon, desaroyo di instrumento di merkado laboral manera ‘job coaching’ i supsidio pa kosto di suèldu i fortalesementu di e komunikashon eksterno, i kolaborashon ku partnernan i dunadó di trabou.

Pasonan mas aleu

Entretantu, ya a tuma pasonan ku ehekushon di e rekomendashonnan. Asina, a fortalesé e kolaborashon ku diferente partner di kadena, i a revisá kombenionan di kolaborashon. Nos ta trahando riba mehorashon di nos prosesonan di trabou interno na benefisio di mediashon laboral i registrashon di dato, i e kolaborashon ku dunadónan di trabou.  Den e periodo benidero, implementashon mas aleu lo ta sentral, e.o. dor di, huntu ku e i trabou, revisá e proseso di notifikashon tokante vakatura pa por fasilitá e dunadó di trabou mihó ku e proseso aki.

Plenchi di Trabou ta sigui hasi esfuerso pa mediashon laboral aksesibel, rekonosibel i efektivo na Boneiru. Nos ta yama tur partisipante danki pa nan aporte balioso na e investigashon aki.