𝐓𝐮𝐦𝐛𝐚 𝐇𝐮𝐛𝐞𝐧𝐢𝐥 𝐤𝐮 𝐮𝐧 𝐨𝐮𝐝𝐢𝐬𝐡𝐨𝐧 é𝐤𝐬𝐢𝐭𝐨𝐬𝐨.

Djasabra último Boldstarz Foundation a tene su oudishon pa asina skohé e partisipantenan ofisial pa Festival di Tumba Hubenil 2026.

Un kantidat di 18 mucha yen di talento i kurashi a presentá dilanti un kuerpo di hurado eksperensiá ku konosementu amplio den kanto i presentashon riba esenario.

Na final di e atardi a skohe un total 13 partisipante ku lo kompetí pa e título di rei òf reina di tumba hubenil ku lo tumá lugá djasabra 17 di yanüari 2026.

Awor aki ta bai sigui e parti di preparashon di e partisipantenan ku diferente tayer i nan ensayonan ku Tumba Hubenil Orchestra. Boldstarz Foundation ta wak bèk riba e promè parti di e temporada ku ya tabata unu éksitoso i ta kla awor aki pa sigui e trajektoria huntu ku Beehives Curaçao ku hopi entusiasmo pa duna pueblo di Kòrsou un espektakulo di kita sombre den Festival di Tumba Hubenil 2026.

Danki na tur mayor ku un biaha mas ta hinka nan konfiansa den Boldstarz Foundation i Tumba Hubenil.