Kòrsou ta Proponé Inisiativa Regional pa Protekshon di Rekurso  Natural i Soberania di Data. 

Parlamentario pa Frakshon di Movementu Futuro Kòrsou 

Kòrsou ta Proponé Inisiativa Regional pa Protekshon di Rekurso  Natural i Soberania di Data. 

Willemstad, 13 Sèptèmber 2025 – Korsou su aporte na Parlatino I Karibe, ta sumamnete  importante I sigur por ser mirá komo un ventaha. A base di e presentashon “Amenasa  

Eksterior,” di parti e profeshonal sra. Stephanie Henaro Canales di Mexico un Analista  

Geopolitiko, Kòrsou ta profilá su mes komo un partner stratégiko importante pa Suramérika,  konsentrá riba dos área krítiko: protekshon di rekurso natural i maneho di datonan. E inisiativa  aki ta posishoná Kòrsou komo un sentro vital den e koperashon regional pa atendé ku  menasanan geopolítiko i fortifiká seguridat den henter e region. 

 

Rekurso Natural i Koperashon Regional 

E presentashon ta enfatisá e riesgonan geopolítiko ku rekurso natural ta enfrentá, inkluyendo: • E reservanan inmenso di litio den e “Triángulo di Litio” di Argentina, Bolivia i Chile. 

• E lucha teritorial pa e petroleo na Esequibo entre Guyana i Venezuela. 
• E preshon riba awa i “biodiversidat”, inkluyendo piska ilegal i krímen kontra medio  ambiente manera mineria ilegal i tráfiko di “merkurio” den Amazonia. 

Kòrsou, ku su posishon stratégiko, por hunga un ròl fundamental den e koperashon  transfronteriso pa atendé ku e menasanan akí. E rekomendashonnan ta inkluí: 

• Kreá un pakto regional kontra deforestashon i mineria ilegal den Amazonia, hasiendo  uso di interkambio di datonan di satélit. 
• Establesé un mekanismo pa trace back mineralnan di kontrabanda.

Kòrsou por posishoná su mes komo un sentro pa interkambio di datonan di satélit i e  koordinashon di esfuersonan operashonal, loke ta mehorá seguridat i durabilidat  

regional. 

Soberania di Dato i Seguridat 

 

E falta di Soberania di data den Latinoamérika ta un riesgo serio, ya ku mayoria di e datonan ta  wòrdu warda pafó di e region. Esaki ta resultá den pèrdida di kontrol riba informashon krítiko den  áreanan manera finansas, salú i elekshonnan. Pa atendé ku e problema akí, e organisashon ta  rekomendá: 

• Kreá un akuerdo Latinoamerikano i Karibe pa e fluho di datonan krítiko. 
• Desaroyá un plataforma komun Latinoamerikano i Karibe pa detektá atakenan via  vigilansia satélite i digital. 

Kòrsou por hunga un ròl vital pa establesé su mes komo un hub di sentro di dato pa Suramérika.  E isla por ofresé un lugá sigur i soberano pa paisnan den e region pa warda nan datonan krítiko,  redusiendo nan dependensia riba podernan pafó di e region. Esaki ta hasi Kòrsou un partner  klave den garantisá e soberania di datonan regional i fortifiká e seguridat di kiber. 

“E menasanan eksterno, un problema kresiente kaminda ta warda mayoria di e datonan  pafó di region. Nan ta biaha den datonan, kapital, narativanan i teknologianan”.

Un otro Tema Interesante ku tambe a ser tratá den komishon ta  “Impacto de la Participacion de las mujeres en espacios de poder en  America Latina” 

 

Bron Parlatino: sra. Beatrix Paredes, di Mexico, promé hende muhé ku a presidí e puesto  di Presidente di Parlatino na aña 2000, aki huntu ku Senador Sandy Losiabaar huntu na  Parlatino. 

Un problema ku ahinda ta hunga un ròl na paisnan den sur Amerika ta e echo ku ainda no ta mira  hende muhé meskos ku e hende homber. Aki na Kòrsou, e parti di emansipashon a kana huntu.  Hende muhénan a okupá puestonan importante den komunidat. Kisas ta bon pa nos para ketu I  hasi uzo di nos Universidatnan pa un investigashon riba nivel sientifiko pa sa mas spesifiko kon  e hende muhé ta kompará su mes ku e hende hòmber. E hende muhé su korona ta su yunan.  

Serka e hende hòmber esaki ta redundá den machismo. Pero naturalmente pa nos sa esaki ku  siguransa, nos mester wak si tin thesisnan skibí riba e partikularidat aki. 

Relato Parlatino 9 – 13 September 2025 

https://parlatino.org/la-junta-directiva/ 

Miembro di Parlamento 

Sandy Losiabaar 

Pa Frakshon di MFK