Promé Minister di Kòrsou, Gilmar Pisas, Promé Minister di Sint Maarten, Luc Mercelina, i e Minister di Turismo di Aruba, Wendrick Cicilia, a tene un reunion ku Embahador di Reino na Merka, Birgitta Tazelaar, i Konsul General di Reino na New York, Ahmed Dadou.

Durante e reunion, Promé Minister Pisas a pidi pa Embahada di Reino na Washington D.C. pa tin mas kontakto direkto ku Kòrsou i a menshoná su preokupashon riba temanan di “correspondent banking”, “OFAC license” i e situashon di tenshon entre Merka i Venezuela. Promé Minister Pisas tambe a indiká ku a wordu proponé pa Minister Plenipotensiario kuminsa pronto na Washington D.C. Pa ku e petishon aki ta wardando resultado di screening di parti Reino.

E reunion a kana den bon esfera i e mandatarionan a komprometé huntu pa fortalesé e kooperashon den Reino i pa traha mas hunto den futuro.

Foto (vlnr): Prome Minister di Kòrsou Gilmar Pisas, Prome Minister di Sint Maarten Luc Mercelina, Embahador di Reino na Washington D.C., Birgitta Tazelaar, Minister di Turismo di Aruba, Wendrick Cicilia i Konsul General di Reino na New York City, Ahmed Dadou.