Promé Minister Gilmar Pisas a partisipá na e evento “Future of Living Systems” Panel 3: Islands Rethinking Nature & Ecological Knowledge as Economic Assets.

E panel a mustra kon islanan ta redefiní balor di naturalesa i konosementu ekológiko tradishonal manera un aktivo esensial pa ekonomia sostenibel. Entre e panelista tabatin Viliami Vaʻinga Tōnē (Embahador di Tonga), Léonie Weerakoon (fundadó di Kinetik), Pinar Balci (ex-komisionado asistente di New York City Department of Environmental Protection), Hideyuki Shiozawa (Sasakawa Peace Foundation), i bou di moderashon di Brandon Levy (Sustainable Ocean Alliance).

Durante e panel, Léonie Weerakoon a presentá investigashon ku e la hasi na Kòrsou riba preservashon biokultural i maneho di awa i kon esaki por kontribuí na desaroyo sostenibel di nos isla.

Promé Minister Pisas tabata presente na e evento komo parti di publiko. Na final di e evento, Promé Minister a gradisí sra. Weerakoon pa su investigashon na Kòrsou i a indiká ku lo e spera di risibí e resultadonan di e investigashon, pa por analisá esakinan i transformá e resultadonan den akshon konkreto pa benefisio di nos isla.