Aruba Participa den e Reunion di Conseho di Minister di Caribbean Financial Action Task Force (CFATF) na Panama
Aruba Participa den e Reunion di Conseho di Minister di Caribbean Financial Action Task Force (CFATF) na Panama
ORANJESTAD – Siman pasa a tuma luga na Panama City e Reunion di Conseho di Minister di Caribbean Financial Action Task Force (CFATF).
Minister di Finansa, Economia y Sector Primario, Sr. Geoffrey Wever ta encabesa e delegacion di Aruba y a topa varios colega minister di nos region. Den e cuadro aki Minister Wever a hiba un conversacion cu Premier di Cayman Islands, cu ta alabes Minister di Finansa di e pais menciona, Sr. André Ebanks. Minister Wever a intercambia ideanan y tambe a mustra interes pa e strategia di Cayman Islands pa engrandece nan sector financiero.
Minister di Husticia di St. Maarten, mr. Nathalie Tackling, tambe tabata presente durante di e CFATF Council of Ministers Meeting teni na Panama. Den nos region e topico di prevencion y combatimento di labamento di placa y financiamente di terorismo mayoria biaha ta resorta bao di e responsabilidad di e Minister di Finansa of Husticia.
Den caso di Aruba, ta e Minister di Finansa ta esun cu ta carga e responasbilidad aki y na St. Maarten, pero tambe na Hulanda esaki ta resorta bao di e Minister di Husticia. Minister Tackling a elabora riba e experiencia di St. Maarten pa cu nan evaluacion mutuo cu a completa na cuminsamento di aña. Minister Wever a mustra dispocicion di Gobierno di Aruba pa comparti e strategia cu Aruba a hiba na aña 2021, pa medio di cual Aruba por a obtene un bon resultado.
