Melysa Pengel ta kla pe gran final di Miss Teen Caribe Universo 2025

Melysa Pengel ta kla pe gran final di Miss Teen Caribe Universo 2025

 

Despues di algun dia di trabou nan duru i intensivo e gran final ta yegando.

Trabou nan pa  Melysa  a start for di su yegada djaluna ku su tim i direktor Internashonal.

 

Djamars a hasi apertura ofisial ku un bunita risibimentu di e paisnan ku nan bandera i anochi un sena di gala pa nan a keda instala ofisial.

Djarason tabatin e promé kompetensha i esaki tabata den trahe di baño. Den e kompetensha aki Melysa a hasi un impakto grandi. Trabou nan a sigui  i e organisashon Internashonal a organisá djaweps un tour. E tour tabata for di mainta trempan te atardi. Aki e partisipante a kompartí ku otro i siña konosé mas di Republica Dominicana. 

 

Djabièrnè tabata un dje dia nan mas importante. Kòmbersashon ku e miembro nan di e kuerpo di hurado i tambe e kompetensia di trahe Nashonal. Melysa a lusi un trahe disena pa Edmee Haard Statia, tambe direktor di QMQ i ehekuta pa e talentoso Monica Leito. E trahe Nashonal a representa e deporte di Softbal i baseball komo Melysa tambe ta praktika e deporte aki i Kòrsou sigur ya ta hopi konosi den e deporte aki. Ku e trahe Melysa a honra un hoben dama yu di Kòrsou ku ta praktika e deporte di softball profeshonal internashonal kual ta Thaima Maximiliana. 

 

Durante hinter e siman, Melysa a lusi trahenan espektakular di Gabriel Couture di Republica Domimicana, Monica Leito i Edwin Loran. Espektativanan ta haltu pa e gran final mayan ku Dios ke.

 

Pueblo di Kòrsou por sigui e show final LIVE via e kanal di Miss Caribe Universo.

 

Laga nos ban uni den animo nan positivo pa transmití e bon vibra pa nos Melysa.

 

QMQ ke gradisí mayornan, spònser nan, tim di QMQ Organization i tur pèrsona ku di un manera òf otro a kontrubuí ku Melysa su partisipashon. Melysa Pengel siguir ta un gran prospekto den e mundu di beyesa pa sigui representa Kòrsou den futuro