Huey Dunbar​ di Dark Latin Groove – DLG.

 

15 di òktober 2025, Pure Love Events, a tene nan rueda di prensa i a duna mas  informashon i detaye di DLG Dark Latin Groove den persona di e kantante Huey  Dunbar ku lo ta na Kòrsou dia 13 di desèmber 2025.  

Sala di WTC ku lo ta kompletamente transforma pa presentashon di un tremendo  fiesta bailabel aki. 

Ken no ta korda DLG ku su hit nan manera ‘No morira’ i ‘Juliana’. Lo bai tin 4 dia di ensayo ku lo ta 2 priva i 2 pa medionan di komunikahson.  

Huey Dunbar lo wòrdu kompaña pa Axel Orquestra, ku no ta deskonosi pa  kompaña artistanan international, presentando un ora i mei di musika bailabel.  

E fiesta bailabel lo kuminsa ku presentashon di e DJ di kas i despues Tempo Music  lo presenta durante di e happy hour. 

Tambe lo tin un banda di comeback Tempo Plus ku ta wòrdu krea speshal pa e  okashon aki ku lo kompania e siguiente artista:  

Gibi Doran (Djis pa mi drumi bandi bo i Manda Riba Mi); 

Marlon Victorina (Mi ta enamora di bo i Tonelada de Amor); 

Ashley Rooi (Amor ta na porta i Bala Bala) ; 

Charlton Bodkin (Nami un chens di biba trankil i Lo bo bolbe); 

Kenneth Hooi (Mi ke manese i unu di sorpresa). 

Kada un di e artista nan aki lo kanta 2 di nan kantika mas popular. Durante di e fiesta bailabel lo bai tin un ‘surprise act’. 

Karchinan di entrada ‘Early birds’ lo ta na benta for di djasabra 18 di òktober 2025 i lo ta optenibel serka organisashon. Pa mas informashon tokante karchinan di  entrada ‘Early birds’ sigui nos medianan sosial i tambe radio emisoranan. 

Asina ku e karchinan di entrada ‘Early birds’ kaba lo kuminsa ku benta di siguiente  batch ku lo ta optenibel na Punto di benta ku lo wordu anuncia via di nos medianan  sosial 

Pa VIP Table i Single VIP por yama e number di telefòn 662 9979. 

Kevin Alexander representante di HCR Motors situa na Seru di Mahuma dilanti  ofisina di Avis Rent A Car, tin e speshal ku ta kumpra un outo i haña deskuento riba  e outo i aserka dos (2) karchi di entrada gratis pa e fiesta bailabel di Huey Dunbar.  Na HCR Motors tambe tin karchi di entrada na benta. Por komunika telefònikamente  ku KevinAlexander di HCR Moters na e number di telefòn 511 1845. 

E dress code pa e anoch ta: Nechi! 

E parti logistiko ta na enkargo di Ray Isberta. I e team di seguridat lo dirigi  parkermentu di outo pa entrada VIP i Single VIP.

Mirando e petishon ku ta drentando di Aruba otro siman ku Dios ke organisashon lo  ta na Aruba pa promove e evento di Huey Dunbar. 

Pure Love Events ta yama danki na e siguiente sponsor nan: 

Mondi, Taxi 95, Leañez, HCR Motors, Zair i CTB.