𝗔𝗸𝘁𝘂𝗮𝗹𝗶𝘀𝗮𝘀𝗵𝗼𝗻 𝗱𝗶 𝗺𝗮𝗹𝗲𝘀𝗮𝗻𝗮𝗻 𝗶𝗻𝗳𝗲𝗸𝘀𝗶𝗼𝘀𝗼 𝗻𝗮 𝗕𝗼𝗻𝗲𝗶𝗿𝘂 𝗱𝗲𝗻 𝗲 𝗱𝗶 𝘁𝗿𝗲𝘀 𝗸𝘂𝗮𝗿𝘁𝗮𝗹 𝗱𝗶 𝟮𝟬𝟮𝟱

Departamento di Salubridat Públiko / GGD Boneiru ta kompartí e desaroyonan mas importante riba tereno di malesanan infeksioso den e di tres kuartal di aña 2025. Den e aktualisashon akí ta dediká atenshon na malesa di sangura, keho di barika, i e trabou di GGD pa purba di sòru pa malesa no drenta Boneiru via barku. E sifranan i señalnan ta yuda nos keda alerta i tuma medida apropiá na tempu. Pa e aktualisashon kompleto, bishitá: https://bonairegov.com/…/aktualisashon-di-kada-kuartal….

Den e di tres kuartal di aña 2025 konsiderablemente ménos hende a bai nan dòkter di kas ku keho di un malesa di sangura, manera dengue. GGD Boneiru kier rekordá komunidad pa keda alerta pa posibel lugánan di brui di sangura rònt di nan kas.

Den e di tres kuartal mas hende a bai nan dòkter di kas ku keho di barika, kompará ku e lunanan anterior. Prinsipalmente den periodo di zomer mas hende tabatin molèster di diarea (infeksioso) i infekshon di stoma i tripa.

Un parti di nos trabou ta purba evitá ku malesa ta drenta Boneiru via barku. Den e di tres kuartal di aña 2025, GGD Boneiru a kontrolá deklarashon di salú di 31 barku (krusero). Riba tur barku e kantidat di hende malu na bordo tabata tiki.

GGD Boneiru ta sigui vigilá e situashon rònt di malesanan infeksioso i ta hasi un yamada riba nos habitantenan pa keda alerta, prinsipalmente durante temporada di áwaseru i ora di hasi biahe (internashonal). Den kaso ku tin pregunta òf si ta deseá mas informashon, tuma kontakto ku GGD Boneiru via www.bonairegov.com òf via +599 715 5324.