Angelly Virginia ta yega Kòrsou despues di un bon representashon Internashonal. 

Angelly Virginia ta yega Kòrsou despues di un bon representashon Internashonal. 

 

Willemstad- djasabra anochi Angelly Virginia a keda risibí dignamente na èrpòrt Hato Internashonal dor di famia, amistad i su organisashon QMQ. Angelly a representá Kòrsou den e sertamen Miss Teen Charm International 2025 ku a tuma luga na Barranquilla Colombia kaminda 15 pais a kompetí pa e titulo maksimo. 

 

Durante un siman largu, Angelly a partisipá na diferente aktividatnan sosial i a karga e nòmber di Kòrsou tur kaminda ku e la move. Hopi turista tabata aserka Angelly pa saka potrèt i tambe siguidornan di e mundu di beyesa Internashonal tabata papia masha di Angelly riba retnan sosial. 

 

QMQ Organization a biaha e biaha aki ku dos direktor den persona di Edmee Haard Statia i Ayanette Haard Statia pa por ehekutá e trabou den e sertamen grandi i popular aki, kua  a duna un resultado satisfaktorio sigur. QMQ ta tuma kada sertamen ku nan ta traha kune hopi na serio i ta skohe sertamen nan di nivel haltu pa traha kune. 

 

Por a mira esaki tambe den e show ku a keda transmití bibu djaweps anochi riba e plataforma di youtube kaminda e partisipantenan tabatin 3 presentashon ofisial i a skohe e tòp 10 kaminda nos Angelly Virginia a laga e nòmber di Kòrsou resoná. Apesar ku Amgelly no a logra drenta den e top 6, Kòrsou por ta hopi orguyoso di e trabou i promoshon grandi ku a keda hasi. Angelly sigur ta un di e futuro beyesanan pa sigui representá Kòrsou riba tarima Internashonal. 

 

Resultado final di e sertamen tabata ku Miss Teen Colombia, Isabella Ospanic a gana e titulo maksimo i Miss Teen Brasil, Maria Eugenia Raposo a keda komo e Vi Reina di e sertamen. 

 

QMQ Organization ta gradesi tur sponsor, kolaborador, famianan, mayor, prensa i tambe hinter e tim ku a traha inkansabel pa huntu Kòrsou tabata bon representa.