𝐀𝐛𝐨𝐠𝐚𝐝𝐨 𝐀𝐜𝐡𝐢𝐦 𝐇𝐞𝐧𝐫𝐢𝐪𝐮𝐞𝐳: 𝐆𝐚𝐭𝐞𝐝 𝐫𝐞𝐬𝐨𝐫𝐭 𝐤𝐮 𝐥𝐨 𝐬𝐞𝐫 𝐤𝐨𝐧𝐬𝐭𝐫𝐮𝐢 𝐤𝐚𝐦𝐢𝐧𝐝𝐚 𝐄𝐫𝐢𝐜’𝐬 𝐀𝐓𝐕 𝐭𝐚.

Ayera den korte e desaroyado a indika ku e la bende pidanan kaba ku kumpradonan ku e promesa ku e entrada di e gated resort aki ta bin kaminda Eric’s ATV ta.

No tin niun kaya publiko ta pasa eiden pa sali na Caracasbaai of Jan Thiel pa bai alivia niun trafiko.

Es mas, e terenonan rondo di e zoutpan di Jan Thiel ta terenonan di conservashon den EOP. Pa traha un kaminda riba e terenonan ei mester hasi un kambio di lei (EOP).

For di e kaso di Oostpunt nos sa ku un kambio asina por dura por lo menos 15 aña, y den e kaso aki ni un plan pa kambia e lei no ta eksisti ahinda.

Dus ki pura bo por tin di kita Eric’s ATV for di einan pa traha un kaminda ku no por wordu traha, paso e mester pasa den tereno di e desaroyado ku ba aproba su plan pa gated resort kaba, y e kaminda mester pasa den area di conservashon konforme EOP.