Carlos Vives: Embahador di Bon Boluntad di Aruba
Carlos Vives: Embahador di Bon Boluntad di Aruba
Prome Minister Mike Eman a otorga cantante internacional Carlos Vives cu e titulo di “Embahador di Bon Boluntad di Aruba”, como reconocimento pa su trayectoria artistico y su aporte na promocion di balornan di union, alegria y hermandad entre pueblonan.
E reconocimento, presenta durante un encuentro oficial, caminda Prome Minister Eman a destaca e importancia di colabora cu figura internacional cu por contribui na posiciona Aruba na nivel mundial.
Durante e encuentro, Prome Minister a comparti cu Vives e vision di gobierno pa logra un desaroyo balansa, unda crecemento turistico ta bay hunto cu proteccion di naturalesa, medio ambiente y calidad di bida di ciudadano. Tambe a enfatisa e enfoke riba sostenibilidad, incluyendo iniciativa pa stimula plantacion y conservacion riba nos isla.
E encuentro aki ta refleha e compromiso di gobierno pa sigui fortalece lasonan cultural y internacional, posicionando Aruba como un destino cu ta balora tanto su identidad como su desaroyo sostenibel.
Carlos Vives, kende a bishita Aruba cu su famia, a expresa su aprecio pa e isla y a confirma su deseo pa regresa.
639114718427035"
639114718427035"








