KOMUNIKADO DI KUERPO POLISIAL KÒRSOU : Morto den tráfiko
KUERPO POLISIAL KÒRSOU
KOMUNIKADO DI PRENSA
421/2026
21 novèmber 2026
Morto den tráfiko
Djasabra 21 di novèmber 2026 alrededor di 05.26’or, Sentral di Polis a dirigí un unidat polisial pa Kaminda Andruw Jones na altura di Andres Belloweg pa un aksidente di tráfiko ku herido.
Na yegada di e unidat el a topa un hòmber drumí riba kaya i ku no tabata duna señal di bida.
For di investigashon a sali na kla ku e víktima tabata enbolbí den un aksidente di trafiko un ratu promé.
Na momentu ku el a baha pa atendé esaki, un otro vehíkulo a pasa dal e. A konsekuensia di e aksidente aki, e hòmber a risibí basta sla i no a sobreviví e desgrasia.
Dòkter di polis a konstatá morto di e víktima.
Personal di Departamentu di Tráfiko ta investigando e aksidente mas leu.


