KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Tópiko: kontaminashon di investigashon penal QuickPromo

Presidente di Parlamento di Kòrsou
Sr. F. Brownbill
Wilhelminaplein 4
20 novèmber 2026
Apresiabel sr. Brownbill,
Pa medio di e karta aki mi ta pidi bo pa dirigí e karta athunto na Minister di Hustisia sr. Shalten Hato i gobernadó di pais Kòrsou.
Danki pa e koperashon.
Atentamente,
Mr.drs. Javier Silvania,
Parlamentario pa
frakshon di MFK

Minister di Hustisia
Sr. Shalten Hato
Willemstad, 20 novèmber 2026
Tópiko: kontaminashon di investigashon penal QuickPromo

Apresiabel minister,

Mr.drs. Javier Silvania, miembro di frakshon di Movementu Futuro Kòrsou den Parlamento di Kòrsou, ta pidi atenshon di minister Hato pa ku e riesgo di kontaminashon di e investigashon penal di QuickPromo.
Na nòmber di e víktimanan di e estafá di QuickPromo parlamentario Silvania ta ekshibí kontesta kla i raspa di Minister Hato. E víktimanan di QuickPromo a pèrdè miónes. Algun siudadano ta reklamá ku nan no por hasi aangifte na polis. Polis ta bira nan bek i no ta tuma e aangifte. Tin indikashon di posibel vínkulo entre funshonarionan polisial i e plataforma di QuickPromo ku ta bou di investigashon penal.
Minister Hato kiko ta pasando den e ministerio di Hustisia kual abo tin e responsabilidat di supervisá.
Silvania no ta afirmá ku e polisnan ta kulpabel. Ta hustisia mester establesé esei. Teniendo kuenta ku e derecho di inosensia di kada siudadano. Silvania no ta pidi minister Hato duna informashon konfidensial. Loke Silvania ta pidi ta pa minister Hato splika pueblo di Kòrsou kiko su ministerio a hasi pa enkaminá e investigashon kontra e esnan ku a organisá i promové QuickPromo. Ki medida minister Hato i/òf mando polisial a tuma pa evitá ku konflikto di interes ta kontaminá e investigashon.
Pueblo di Kòrsou ke fecha, medidanan i resultado konkreto di minister di Hustisia dentro di e limit’é legal. E kartera di minister Hustisia ta impliká responsabilidat i transparensia. Promesa sin fecha i splikashon ambiguo djárason último durante e konferensia di prensa no ta akseptabel.
Parlamentario Silvania ta preokupá ku konflikto di interes por kontaminá e investigashon penal di Wega di Piramit di QuickPromo. Parlamentario Silvania tin informashon no konfirmá ku alrededor di 50 polis di KPC i Landsrecherche ta envolví den QuickPromo. Ta bira hopi difísil pa polisnan di KPC òf Landsrecherche por hasi un investigashon imparsial i independiente ora ku su koleganan, famianan òf e mes a partisipá den QuickPromo.
Dor di e magnitut di e estafa piramidal aki nos kuerpo polisial mes NO por hasi e investigashon. E mesun problema ta manifestá na e hermana islanan.
Komo ku minister Hato ta un minister ku ta para habri pa pidi yudansa pa kombatí kriminalidat na presidente di El Salvador sr Nayib Bukele. Ta p’esei parlamentario
Silvania ta súplika Minister Hato pa pidi Hulanda ‘technische bijstand’ pa por hasi e investigashon di QuickPromo. Si por pidi Bukele yudansa, mester por pidi Hulanda tambe!
Marka mi palabra!
Parlamentario Silvania ta pronostiká ku si Minister Hato laga KPC, Landsrecherche òf polisnan di hermana isla BES, Aruba òf Sint Maarten hasi e investigashon nada no ta bin afó. Tin demasiado polis i nan famia i amigunan envolví den e wega di Piramit. E resultado di e investigashon hasi dor di nos kuerpo polisial karibense lo no duna sufisiente base pa persiguí i kondena e estafadornan i e víktimanan ta pèrdè tur nan invershon. Marka mi palabra!
Pregunta:
1. Kon minister Hato ta garantisá ku e investigashon ta independiente i imparsial? 2. Ki medida minister Hato a tuma pa evitá ku konflikto di interes ta kontaminá e investigashon?
3. A investigá e transakshonnan finansiero di QuickPromo? A investigá i blòkia e kuentanan di e intermediarionan (Cripto Traders) ku a risibí pago pa QuickPromo riba nan kuenta priva na bankonan lokal? A tuma medida pa segurá e pruebanan digital di e froude?
4. Minister Hato a laga investigá un posibel vínkulo entre funshonarionan polisial i e plataforma QuickPromo? E funshonarionan polisial aki tabatin pèrmit di Minister Hato òf mando polisial pa hasi ‘nevenwerkzaamheden’ na QuickPromo konforme Landsverordening Materieel Ambtenarenrecht?
5. Minister Hato i/of mando polisial a forma un team polisial pa hasi e investigashon kontra QuickPromo kaba? Minister Hato ta bai pidi Hulanda pa (yuda) hasi e investigashon kontra QuickPromo?
6. Polis a interogá i/òf arestá e kabesantenan i intermediarionan di QuickPromo kaba?
7. Dikon polis ta pone barera ku ta hasi difísil pa e víktima hasi aangifte kontra QuickPromo? Ta ken a duna e instrukshon aki? Kiko minister ta bai hasi pa fasilitá ku e víktima por hasi aangifte na polis sin estorbo?
8. Dikon polis ta ninga di tuma un aangifte por eskrito i ta bisa e víktima ku ta online e mester hasi aangifte? Tin un protokòl pa esei? Minister por manda e protokòl pa parlamento?
9. Dikon un víktima di QuickPromo no por hasi aangifte verbal (mondeling aangifte) manera lei ta preskribí? Si polis ta eksihí ku mester hasi aangifte online. Kon un hende grandi ku no tin akseso na internet ta hasi awor pa e por hasi aangifte?
10. Kuantu hende a bin hasi aangifte na polis i OM kontra QuickPromo? Kuantu aangifte a wòrdu registrá?
Djis anunsiá ku ta investigá QuickPromo NO ta sufisiente. Mester analisá dokumento i transakshonnan. Identifiká posibel hendenan ku ta responsabel pa e estafa. Blòkia kuenta di banko di intermediarionan. Sigurá ku pruebanan no ta bai pèrdí i presentá resultado di investigashon na e outoridat kompetente.
2

11. Tin kordinashon entre ministerio di Hustisia i Ministerio Públiko pa ku e investigashon kontra QuickPromo?
17 sèptèmber CBCS a saka un atvertensia kontra QuickPromo.
PUBLIC WARNING NOTICE
The Centrale Bank van Curaçao en Sint Maarten (CBCS) has noticed several investment programs such as Quick Promo, Korsou Legacy Capital Group, and Elite Wealth Forum, being promoted on social media platforms. The CBCS urges the public to be cautious when considering participation in these types of business initiatives. In some of the latest offers, the CBCS observed promotional materials that mentioned subscription-based participation, rewards for recruiting new participants, token related incentives and multiple compensation levels. These characteristics are common in pyramid schemes, which are high-risk, unsustainable and often lead to significant financial losses for participants. The CBCS is furthermore concerned that certain investment programs also involve the use of virtual or crypto assets and other financial activities that may be subject to regulatory requirements. Conducting these activities without complying with applicable legal and regulatory requirements is in violation of the law and will be subject to supervisory, regulatory and enforcement action. To verify if an investment program is authorized to provide financial services, please consult the CBCS register at
https://www.centralbank.cw/functions/supervision/supervised-institutions.
Warning signs The potential presence of pyramid-type characteristics, whether or not combined with the promotion of virtual or crypto assets or electronic wallets (e-wallets), should be cause for serious concern. Moreover, the public should not assume that a financial offering is lawful merely because it is promoted online, through social media. The public is strongly advised to remain particularly cautious where:
• compensation depends on recruiting new participants;
• returns are promised without a clear explanation of the underlying source of income; • crypto assets or digital tokens are offered without a transparent valuation mechanism; • crypto-assets or e-wallets are promoted without clear regulatory status;
• complex bonus or referral structures are used; or
• the overall business model lacks transparency.
The CBCS actively monitors activities that exhibit characteristics of pyramid schemes, unauthorized investment schemes, unauthorized virtual asset or crypto activities, and other activities that may violate laws and regulations within the jurisdictions of Curaçao and Sint Maarten. Where the CBCS determines that activities are being conducted without the required authorization from the CBCS, or where there are violations of applicable laws and regulations, the CBCS will take supervisory, regulatory and enforcement measures. Such measures may include administrative sanctions, regulatory interventions, referrals to competent authorities and, where appropriate, reporting matters to law enforcement authorities and/or the Public Prosecutor’s Office.
9 novèmber 2026 a saka e siguiente atvertensia pa pueblo di Kòrsou:
CBCS ta atvertí konsumidónan pa ku desaroyonan relashoná ku Quick Promo Willemstad/Philipsburg – Centrale Bank van Curacao en Sint Maarten (CBCS) ta atvertí konsumidónan a base di un mensahe resien ku ta sirkulando di e plataforma Quick Promo. Den e mensahe akí, ta obligá e partisipantenan pa, denter di 72 ora, depositá un montante adishonal di 300 dòler pa verifiká nan kuenta. Partisipantenan ku no kumpli ku e obligashon akí lo pèrdè nan kuenta i, komo konsekuensia, posiblemente e sèn ku nan a invertí. CBCS ta konsiderá e desaroyo akí komo un señal serio ku por indiká ku un konstrukshon di piramide ta bou di preshon finansiero i posiblemente ta na punto di kolèps. Den konstrukshonnan asina, generalmente e pagonan na partisipantenan eksistente ta wòrdu finansiá ku e sèn ku partisipantenan nobo ta depositá. Ora entrada di sèn nobo ta disminuí, por surgi problema
pa hasi pago na partisipantenan. E echo ku ta eksigí depósitonan adishonal pa por hasi fondonan disponibel, por indiká ku e konstrukshon no ta kapas mas di kumpli ku su obligashonnan finansiero. Un depósito èkstra no ta duna ningun garantia ku e sèn ku a wòrdu depositá lo por wòrdu hañá bèk. Al kontrario, konsumidónan ta kore e riesgo di pèrdè ainda mas sèn. CBCS ta konsehá partisipantenan pa warda tur komunikashon i dato di transakshon, i pa no laga nan mes wòrdu preshoná pa hasi pago òf pa menasanan ku nan por pèrdè nan sèn. Willemstad, 9 di novèmber 2026
Parlamentario Silvania ta haña ku e dos atvertensianan di CBCS ta sufisiente motibu pa Ministerio Públiko i/òf Kuerpo Polisial kumisa riba nan mes un investigashon sin tin ku warda te ora e víktima hasi aangifte. Art. 2:215 Wetboek van Strafrecht ta prohibí organisá i promové Wega di Piramit.
12. Ki dia e investigashon a kuminsá?
QuickPromo a blòkia kuenta i ekshibí USD. 300 dentro di 72 ora di e víktimanan. Silvania ta apresiá si minister Hato por duna kontesta na e víktimanan di QuickPromo dentro di 72 ora.
Atentamente,
Mr.drs. Javier Silvania,
Parlamentario pa
frakshon di MFK

639114718427035"
639114718427035"