Kòrsou ta yama bon biní na buelonan inougural di LATAM for di Lima i Bogotá
Kòrsou ta yama bon biní na buelonan inougural di LATAM for di Lima i Bogotá
WILLEMSTAD- 2 di desèmber 2025 – Dia 2 di desèmber, Kòrsou a selebrá yegada di dos buelo inougural di e aerolínea LATAM, e airline group di mas grandi den Latino Amérika. Promé a baha e buelo di LATAM for di Bogotá, Colombia i mas despues durante dia e buelo for di Lima, Perú kual ta un destinashon nobo pa Kòrsou. E buelonan for di Bogotá lo keda efektuá 3 biaha pa siman riba djamars, djaweps i djadumingu. E ruta Lima – Kòrsou tambe lo ta 3 biaha pa siman, riba djamars, djabièrnè i djadumingu. E ruta for di Perú, ta kuadra ku Kòrsou su metanan stratégiko di habri mas konekshon di biahe for di Sur Amérika hasiendo Kòrsou mas aksesibel pa e region aki. Alabes e konekshonnan nobo di LATAM ta nifiká mas opshon di biahe pa nos pueblo lokal.
LATAM ta un partner importante pa Kòrsou kual ta kontribuí pa sigui posishoná Kòrsou komo un destinashon turístiko prominente. Biaheronan for di e region di Sur Amérika semper ta buska destinashonnan outéntiko kaminda nan por sera konosí di aserka ku e habitantenan su kultura, historia i herensia. Esaki ta netamente loke Kòrsou tin pa ofresé na kada bishitante. Durante e seremonianan a hiba palabra, Minister di Desaroyo Ekonómiko, sr. Roderick Middelhof, sr. Gonzalo Ramirez, Director of Operations North America na LATAM, sr. Ricardo Hernández, CEO di Curaçao Airport Partners i di Curaçao Airport Holding, sra. Priscilla Duin – Circkens, Chief Strategy Officer i sr. Julian Diaz de Pool, Commercial Manager. Mas aleu, Minister Middelhof i Ofisina di Turismo di Kòrsou representá pa sr. Muryad de Bruin, Direktor i sr. Hugo Clarinda, Direktor Athunto huntu ku demas partnernan a hasi entrega di plakatnan konmemorativo na sr. Gonzalo Ramirez (LATAM) komo muestra di apresio pa yegada di e buelonan inougural. Tur dos plakat ta ilustrá bistanan bunita di Kòrsou su sentro di siudat.
Gobièrnu di Kòrsou, Ofisina di Turismo di Kòrsou (CTB), Curaçao Airport Partners (CAP), Curaçao Airport Holding (CAH) i Curaçao Hospitality & Tourism Association (CHATA) ta felisitá LATAM ku nan rutanan nobo, Lima – Kòrsou i Bogotá – Kòrsou !
Curaçao Welcomes Inaugural flights of LATAM from Lima and Bogotá
WILLEMSTAD – December 2, 2025 – On December 2nd, Curaçao welcomed two inaugural flights from LATAM, the largest airline group in Latin America. First the LATAM flight from Bogotá, Colombia landed, followed later in the day by the flight from Lima, Peru —introducing Lima as a new route for Curaçao. Flights from Bogotá will operate three times weekly on Tuesdays, Thursdays, and Sundays. The Lima – Curaçao route will also operate three times weekly, on Tuesdays, Fridays, and Sundays. The new connection from Peru aligns with Curaçao’s strategic goal of opening more travel links with South America, making Curaçao more accessible to the region. At the same time, the new LATAM connections offer more travel options for our local community.
As a key partner, LATAM helps strengthen Curaçao’s position as a leading tourist destination. Travelers from South America consistently seek authentic destinations where they can experience local culture, history, and heritage—something Curaçao proudly offers. During the ceremony, Minister of Economic Development, Roderick Middelhof, Gonzalo Ramirez, Director of Operations North America of LATAM, Ricardo Hernández, CEO Curaçao Airport Partners and from Curaçao Airport Holding, Priscilla Duin – Circkens, Chief Strategy Officer and Julian Diaz de Pool, Commercial Manager delivered remarks. Later, Minister Middelhof and Curaçao Tourist Board represented by Muryad de Bruin, CTB Managing Director and Hugo Clarinda, Deputy Director, along with other partners, presented commemorative plaques to Mr. Gonzalo Ramirez of LATAM in appreciation of the inaugural flights. Both plaques highlight beautiful views of Curaçao’s city center.
The Government of Curaçao, the Curaçao Tourist Board (CTB), Curaçao Airport Partners (CAP), Curaçao Airport Holding (CAH), and the Curaçao Hospitality & Tourism Association (CHATA) extend their congratulations to LATAM on the new Lima – Curaçao and Bogotá – Curaçao routes!
