FIN DI AÑA SIN ZANZAÑA

KUERPO POLISIAL KÒRSOU
KOMUNIKADO DI PRENSA
473/2025
8 desèmber 2025
FIN DI AÑA SIN ZANZAÑA
Kontròlnan relashoná ku akshon ‘Fin di aña sin zanzaña’
Djadumingu 7 di desèmber 2025 den oranan di atardi e kontròlnan enkonekshon ku e akshon ‘Fin di aña sin zanzaña’ tabata dirigí riba poseshon ilegal di arma i droga, pero tambe violashon di lei di tráfiko.
A tene kòntrol di tráfiko riba Caracasbaaiweg i durante di e kontròl a kontrolá 71 vehíkulo i a repartí 29 proses verbal pa manehá vehíkulo sin reibeweis bálido, sin seguro bálido i manehá un vehíkulo ku glas skur.
E kontròlnan a kontinuando den barionan di Otrobanda, Sta. Helena i Buena Vista. Mas lat den área di Otrobanda a detené un hòmber sospechoso di kual tabatin búskeda di dje den un kaso di tiramentu.
Durante di e kontròl a haña i konfiská kuchú i mariwana.
Riba Mirla Plateweg a hasi detenshon di un hòmber di nashonalidat Hamaikino ku no tabata den poseshon di ningun dokumento.
A deten’é na e sitio i a entreg’é na Departamentu di Imigrashon ku lo sòru pa su deportashon.
Den próksimo dianan lo bai intensivá e kontròlnan aki. Un apelashon ta bai na komunidat pa demostrá un bon komportashon pa asina nos tur por tin un final i kuminsamentu di aña sin nada di lamentá.
