340 Aña di Servisio Selebrá na Wind Creek Curaçao

Willemstad, Curaçao —Wind Creek Curaçao a selebrá un logro ekstraordinario di loyalidad i dedikashon durante un evento spesial di rekonosementu di aniversario di servisio ku a tuma lugá den Ballroom dia 4 di desèmber último. Durante di e evento spesial aki a honra miembronan di e tim ku a alkansá 5, 10 i 15 aña di servisio, representando un total kombiná di 340 aña di kompromiso ku e organisashon.

Un total di 30 miembro di e tim a wòrdu rekonosé pa alkansá logronan signifikante den nan karera; 2 a selebrá 5 aña di servisio, 18 a alkansá 10 aña i 10 otro miembro di e tim a marka 15 aña di servisio. E selebrashon a habri ofisialmente ku remarkenan di Direktor di Rekursonan Humano, Angelo Martes, kende, na nòmber di Gerente General Averilette Francis, a ekstendé un sinsero felisitashon i apresio profundo na tur esnan ku a keda honra pa nan loyalidad, kompromiso inkansabel i dedikashon eksepshonal.

E evento tabata hopi bon bishitá, inkluyendo miembronan di e tim ehekutivo i di maneho. Kada un a probechá di e oportunidat pa rekonosé i gradisí personalmente pa e kontribushonnan úniko di nan respektivo koleganan enfatisando e balor ku Wind Creek Curaçao ta duna na kada miembro individual di e tim.

Wind Creek Curaçao ta sigui demostrá ku e kompromiso genuino pa su miembronan di tim, ta e kurason di e empresa. Dor di kultivá un kultura outéntiko di bienestar, pertenensia i rèspèt mutuo, e organisashon ta reinforsá e importansia di tin e lidernan korekto den e posishonnan korekto pa sostené i inspirá éksito.

E evento a afirmá e filosofia di e kompania: Ora miembronan di e tim ta sinti nan mes balorá, nan ta duna servisio eksepshonal, esaki ta un piedra importante di e kresementu i éksito kontinuo di Wind Creek Curaçao. Wind Creek Curaçao ta ekstendé un kaluroso pabien na tur miembro di tim ku a selebrá nan aniversario i ta spera hopi aña mas di logronan, dedikashon, i hospitalidat eksepshonal.