Tur kos ta kla pa e sertámen di Miss World Curaçao 2025

 

 

Tur kos ta kla pa e sertámen di Miss World Curaçao 2025

 

Despues di simannan kargá ku hopi aktividat kultural, sosial i tambe edukativo, Kòrsou ta bai elegí su representante pa e di 73 prestigioso sertámen di Miss World.

E sertámen final di Miss World Curaçao 2025 ta tuma lugá djadumingu 14 di Dezèmber próksimo 6or di atardi na PWFC, kaminda Shubrainy Dams na final di un show espektakular, lo koroná su susesor. Un total di 5 beyesa lo ta riba esenario kompetiendo pa e título máksimo.

 

Durante di e simannan ku ta tras di lomba, e partisipantenan a partisipá na aktividatnan manera entre otro sekshon di Fotografia, Etíketa, Public Speaking, Pasarela i tambe na e famoso Fast Track kual ta konsistí di kompetensia pa e título di Miss World Curaçao Sport, Talent, Top Model i Head to Head Challenge.

 

E sertámen di Miss World ta un sertámen ku no solamente ta konsentrá riba e beyesa físiko manera otro sertámennan internashonal. E organisashon di Miss World ta pone mas enfasis riba e personalidat di e partisipante, beyesa ku un propósito, “Beauty With A Purpose”. E beyesa mundial mester por komuniká bon ku otronan, kombersando riba diferente tópiko di interes general. E mester ta un dama puntual ku por kumpli kabalmente ku tur responsabilidat enbolbí den un skema di trabou hopi intensivo.

 

ReProD, Reinilla Project Development, gustosamente ta invitá henter pueblo di Kòrsou pa bin apoyá nos beyesanan i disfrutá di un espektakulo di beyesa i tambe show di Moda organisá pa Mature Model Management.