Selebrashon di fin di aña na SDKK.

WILLEMSTAD- Durante e luna di désember, ta un luna ku Sentro di Detenshon i Korekshon Kòrsou (SDKK) ta brinda diferente aktividat pa nos klientenan den ambiente di fin di aña.

Sr. Eric Jacobino ku ta ofresé nos klientenan tur siman terapia musikal, a entretené algun blòk ku alabansa i adorashon. Tambe a keda organisá un interkambio kultural, di grupo di tambu Sentebibu. Kaminda ku klientenan por a tende e historia di tambu i musiká di tambu di diferente kantante di tambu.

Mas aleu sr. Axel Cijntje tambe a duna presntashon di su testimonio di bida na klientenan di SDKK. Manera ya a bira un tradishon, durante 4 dia tabatin presentashon di aguinaldo pa tur nos klientenan di prizòn. Kaminda e aña akí nan por a disfrutá di un tremendo presentashon musikal di e grupo di aguinaldo Cariñitos.

Gerensia di prizòn sigur lo keda duna su sosten na aktividatnan pa nos klientenan i ta gradisi tur su personal ku di un manera òf otro a duna nan aporte na e selebrashon di fin aña pa nos klientenan.