Promé Minister Gilmar Pisas huntu ku Minister di Enseñansa, Siensia, Kultura i Deporte, sr. Sithree van Heydoorn i Minister di VVRP, sr. Charles Cooper a tene un reunion ku General Manager di Sandals Royal Curaçao, sr. Jeffrey Speelman.

Awe Promé Minister Gilmar Pisas huntu ku Minister di Enseñansa, Siensia, Kultura i Deporte, sr. Sithree van Heydoorn i Minister di VVRP, sr. Charles Cooper a tene un reunion ku General Manager di Sandals Royal Curaçao, sr. Jeffrey Speelman. Durante e enkuentro a reflehá riba e logronan realisá durante 2025 i a papia tokante e perspektivanan pa futuro den aña 2026. Sr. Speelman a ekspresá Sandals Royal Curaçao su gratitut pa e kolaborashon fuerte i kontinuo ku Gobièrnu di Kòrsou. Na final di e reunion, e mandatarionan a interkambiá nan bon deseonan pa un Felis Pasku i un Aña Nobo yen di salú i prosperidat. Huntu ku sr. Speelman, Sra. Diana Martis (public relations) i sr. Urving Pieter (konsehero) tambe tabata tei presente.