Kevin Osepa, yu di Kòrsou, a gana e Prix de Rome Beeldende Kunst 2025, un di e premionan di arte visual mas antiguo i mas prestigio di Reino Hulandes.

[Orguyo nashonal]
Kevin Osepa, yu di Kòrsou, a gana e Prix de Rome Beeldende Kunst 2025, un di e premionan di arte visual mas antiguo i mas prestigio di Reino Hulandes.
E premio a wòrdu entregá na Stedelijk Museum Amsterdam i ta un rekonosementu pa su talento, vishon i kontribushon artístiko.
Kevin a gana ku su obra Lusgarda, un obra artistiko ku ta pone lus riba e ritual ku ta disparsé di Ocho Dia. E periodo di duelo di ocho dia despues di un entiero na Kòrsou.
Ku e obra aki, e ta mustra e profundidat di nos kultura i e balor di nos tradishonnan riba un nivel internashonal.
Lusgarda, meskos ku e obranan di e otro nominadonan, ta keda eksponé na Stedelijk Museum te 15 di mart 2026.
E Prix de Rome ta organisá i finansiá pa Mondriaan Fonds, na enkargo di Ministerio di Enseñansa, Kultura i Siensia di Hulanda.
Mi ta felisitá Kevin Osepa ku e logro ekstraordinario aki i ta deseá e hopi éksito den su kaminda artístiko.
Kevin pabien nos ta orguyoso di bo.