Registrashon pa Prekario a sera ofisialmente

Willemstad – Tim di prekario ta anunsiá ku e periodo di registrashon a sera ofisialmente. E tim ta satisfecho ku proseso di registrashon a kana pa promé biaha kompletamente digital.

Por bisa ku esaki a kana bon i tabatin 1.132 registrashon, di kual 827 tabata ‘online’ i 405 tabata personal.

Alabes, e tim a atendé ku 20 registrashon di personanan ku no ta inskribí na Kranshi, i un parsela ku tabata registrá bou di nòmber di un persona ku a fayesé. A informá esaki na famianan, i e parsela aki bini bèk pa prekario

Tambe a debolbe 3 transakshon debí ku e klientenan aki, ku a registrá, a paga nan depósito sin warda verifikashon di nan registrashon.

Banda di esaki, a atendé ku apelashon di esnan ku a pèrdè nan prekario na 2025, i a solushoná 161 kaso di parsela robes òf dòbel numerá.

Tim di prekario ta informá tambe ku, debí na algun ahuste, a hasi un renumerashon di tur parsela pa aña 2026.  P’esei un súplika ta bai na tur kliente, ku a risibí nan pèrmit di prekario pa 2026, pa tene kuenta ku e number di parsela nobo ku nan a risibí.

Pa personanan nobo ku ta interesá den un parsela, tim di prekario ta informá ku e lista di espera ta habrí dia 22 di desèmber 2025 i ta sera dia 2 di yanüari 2026. Por hasi uso di e link www.vvrp.cw/prekario.

Tim di Prekario ta yama danki na tur kliente pa e pasenshi i puntonan konstruktivo. Esaki ta motivá e tim pa sigui mehorá i duna un bon servisio den futuro.

Tim di Prekario ta deseá pueblo di Kòrsou felis dianan di fiesta i un aña nobo ku hopi positivismo.