Apertura di Karnaval 2026, un gran éksito.

Apertura di Karnaval 2026, un gran éksito.

Willemstad, 4 di yanüari 2026

Djasabra 3 di yanüari 2026 a tuma lugá ofisialmente e apertura di Karnaval 2026. E selebrashon a kuminsá ku un Jump Up vibrante ku a sali for di Suvek i a kulminá den Curaçao Festival Center (CFC).
Na CFC, e públiko a disfrutá di un ambiente ekstraordinario ku presentashonnan di nos banda lokalnan i dos artista internashonal, King James i Machel Montano kreando un anochi yen di alegria, energia i kultura. Tur 2 e eventonan a kana den un ambiente sigur, organisá i sin ningun tipo di insidente.

Importante pa resaltá ta ku tur kos a kuminsá na ora, reflehando loke Beehives ta para pe den e temporada aki: BAN KARNAVAL NA ORA!