Fayesementu di Sr. Hushang Ansary: konsekuensia pa e prosesonan ku ta  andando 

 

Fayesementu di Sr. Hushang Ansary: konsekuensia pa e prosesonan ku ta  andando 

Willemstad/Philipsburg — Centrale Bank van Curaçao en Sint Maarten (CBCS) a tuma nota di  fayesementu di Sr. Hushang Ansary i ta ekspresá su kondolensia na su famia i konosínan. Pa  loke ta trata e prosesonan ku ta andando, CBCS ta sigui ku e pasonan pa rekuperá e daño ku  Ennia a sufri.  

  

Abogado di Sr. Ansary a informá Korte Komun di Hustisia di su fayesementu. A base di esei, Korte  a suspendé e proseso di responsabilidat (aansprakelijkheidsprocedure) sivil ku ta andando kontra  persona di Sr. Ansary, en espera di e notifikashon tokante ken lo asumí posishon di Sr. Ansary den  e proseso. Unabes risibí e notifikashon akí, e proseso por sigui. Por sierto, e proseso di  responsabilidat sivil no ta dirigí solamente kontra persona di Sr. Ansary, sino tambe kontra mas  partido, entre otro, un entidat hurídiko ligá na Sr. Ansary. E fayesementu di Sr. Ansary no ta afektá  e posishon hurídiko di e partidonan akí. 

CBCS ta keda komprometí pa rekuperá e daño ku Ennia a sufri i lo sigui tuma e pasonan nesesario  den e direkshon ei pa protegé e interesnan menshoná. Ku e meta akí, CBCS ta sigui demandá daño  i perhuisio for di Ennia su direktor- i akshonistanan di e periodo en kuestion, i si ta nesesario, tambe  for di nan susesornan hurídiko. 

Willemstad, 6 di yanüari 2026 

CENTRALE BANK VAN CURAÇAO EN SINT MAARTEN