Detenshon den un kaso di violensia relashonal i violashon

KUERPO POLISIAl KORSOU

KOMUNIKADO DI PRENSA                                                

008/2026

 10 yanuari 2026

 Detenshon den un kaso di violensia relashonal i violashon

 Djasabra 10 di yanuari 2026 alrededor di 04.12’or, Sentral di Polis a dirigi un unidat polisial pa un adres den Comanchestraat pa un kaso di violensia relashonal i violashon.

Na yegada e unidat el a topa un dama ku a deklara na polis ku un homber ku e tabatin relashon kune a maltrat’e i viol’e seksualmente.

Na momentu  ku  polis  tabata  na  e  sitio  e  homber  sospechoso  no tabata presente.

Despues di un ratu e homber a pasa bek den e area i mesora polis a detene. Ta trata di e sospechoso G.G.S. di 25 aña di edat nase na Korsou.

 

A presenta e sospechoso dilanti di un fiskal ouksiliar ku a ordena su enkarselamentu pendiente di mas investigashon.