Outo na kandela na un risòrt situá na Kaminda Djabou.
Kralendijk Bonaire
Djasabra 17 di yanüari, alrededor di 2.30 or di mardugá, ‘meldkamer’ sentral a risibí notifikashon tokante un outo na kandela na un risòrt situá na Kaminda Djabou.
Polis i Brantwer a akudí na e sitio di kua personal di brantwer a logra dominá e kandela. A resultá ku un outo ku tabata stashoná na e adrès ariba menshoná a kima pa gran parti.
Despues di investigashon preliminar, a konstatá ku a pega e vehíkulo intenshonalmente na kandela.
*Polis ta pidi un i tur ku por a mira òf sa algu tokante e insidente aki pa yama 715 8000 òf e liña di tep anónimo 9310.*

