PREPARASHONNAN TA KONTINUÁ PA NOS SELEKSHON U-17 FEMENINO SU KOMPROMISONAN DURANTE E CONCACAF WOMEN’ UNDER-17 CHAMPIONSHIP KU LO TUMA LUGÁ AKI NA KÒRSOU!

PREPARASHONNAN TA KONTINUÁ PA NOS SELEKSHON U-17 FEMENINO SU KOMPROMISONAN DURANTE E CONCACAF WOMEN’ UNDER-17 CHAMPIONSHIP KU LO TUMA LUGÁ AKI NA KÒRSOU!

NOS HUNGADÓNAN TA KONOSÍ!

 

Manera nos a anunsiá resientemente, nos selekshon nashonal femenino kategoria U-17 lo ta e promé selekshon ku lo representá Kòrsou durante un torneo internashonal. Nos selekshon lo mira akshon di 24 di yanüari pa 2 di febrüari 2026 durante e CONCACAF Women’s Under 17 Qualifiers. Kòrsou lo ta anfitrion pa e torneo aki ku lo konta ku partisipashon di 10 pais ku lo ta di bishita serka nos pa partisipá na e torneo aki.  Tur dia lo tin 2 partido ku lo hunga den Stadion Rignaal ‘Jean’ Francisca, 4’or di atardi ku 7’or di anochi.

 

Nos selekshon ta forma parti di grupo F huntu ku El Salvador, Trinidad & Tobago, Barbados i Guadeloupe.

 

Pa algun luna kaba nos selekshon ta praktiká i preparando pa saka kara di Kòrsou. Nos 20 hungadónan ta wòrdu dirigí pa Gamal Douglas ku ta wòrdu asistí pa Dudley Haddocks i Pablo Alomá Mark komo entrenadó di portero. Marina de Miranda i Laicam How-Curiel ta e masagistanan miéntras Jadira laaf ta enkargá ku e materialnan di nos selekshon. E ‘team manager’ di nos selekshon ta Christine Davelaar, dòkter Sharviënne Figueroa tambe ta kompañá nos selekshon i e hefe di delegashon ta Fabi Constansia, ku ta miembro di direktiva di FFK.

 

E siguiente hungadónan ta forma parti di nos selekshon;

 

1. Jazlynn Wouter (Centro Juve)
2. Jeandrelys Alexandre (Excellence School)
3. Khloe Maduro Dorado (FC Cantera de Heroes Quindio, Colombia)
4. Mecayla Douglas (Atletiko Saliña)
5. Nahla de Lanooi (Atletiko Saliña)
6. Nora Damhuis (Inter Willemstad)
7. Shiloh Arndell (Centro Juve)
8. Rashima Martis (Centro Juve)
9. Q-Sheena Valks Kowsoleea (Centro Juve)
10. Elisa Huizing (Atletiko Saliña)
11. Samantha Diaz (Atletiko Saliña)
12. D’Amar Haddocks (Centro Juve)
13. Elodie Berenos (Atletiko Saliña) 
14. Kingnaichely Provence (Jong Holland) 
15. Christy-Ann Bergland (Centro Juve)  
16. Jairvienis Martina (VCS, Hulanda)
17. Xiarleahmay Martis Nocento (Atletico Club Amsterdam, Hulanda) 
18. Jacelynn Jubithana (Sparta AV, Hulanda)
19. Shaë-Lyandra Gijsbertha (FC Maense, Hulanda)
20. Destiny Coco (De Graafschap, Hulanda)

 

Tiki tiki pero sigur nos ta yegando na e inisio di e promé kompetensia internashonal lo tuma lugá aki na Kòrsou, ku nos damanan den kontienda pa demostrá un biaha mas kiko tur nan tin aden.

Keda pendiente pa mas informashon…

19 yanüari 2026