Interkambio deportivo entre Boneiru i Kòrsou den waterpolo.

Interkambio deportivo entre Boneiru i Kòrsou den waterpolo.

Direktiva di Swim Club Orca Curaçao (Orca) ta partisipá ku dia 04 pa 06 di mart 2022 un delegashon di waterpolo, kategoria U12 i U14, di Orca ta bai Boneiru pa un interkambio deportivo ku Barracudas di Boneiru.

Despues di algu mas di dos aña pa e motibu ya konosi, e interkambio entre Kòrsou i Boneiru ta reanuda atrobe. E atletanan di Barracudas i di Orca ta ansioso pa bolbe enfrenta i trein ku otro. E meta ku e interkambio aki tin ta pa sigui desaroya e deporte di waterpolo na Kòrsou i Boneiru pa huntu e dos islanan aki por yuda otro den hisa e nivel di waterpolo pa Kòrsou i Boneiru por kompeti den region i internashonalmente i pa por ta mas kompititivo ahun.

Djabièrnè atardi 17.30’or pa 18.30’or i djadumingu mainta  09.00’or pa 10.00’or tin wega Kòrsou kontra Boneiru den kategoria U14 na Sea Pool i djasabra tin kwater wega miks, dos mainta 09.00’or i 10.30’or i dos atardi 15.00’or i 16.30’or i pa djadumingu merdia hunga un wega miks mas pa 10.30’or na Sea Pool.
Den e kategoria U12, tur e weganan ta miks. Esaki paso den e kategoria aki ta sinku atleta di Kòrsou so ta bai Boneiru i lo hunga un wega miks djabièrnè, kwater wega miks djasabra i dos wega miks djadumingu na Sea Pool. Tur e weganan di U12 ta na mes un orario di esunan di U14.  Na tur e atletanan ta hunga 7 wega total den un fin di siman, esaki lo yuda hopi sigur sigur.

Direktiva ta kontentu ku e interkambio aki a kuminsa bèk, paso dia 25 pa 27 di mart Boneiru ta bini Kòrsou den e kategorianan U12 i U14, despues Kòrsou lo bai Boneiru dia 01 pa 03 di aprel den kategoria U16 i U19 i despues dia 08 pa 10 di aprel Boneiru lo bini Kòrsou den e kategoria U16 i U19.