NOS SELEKSHON NASHONAL FEMENINO KATEGORIA U-20 TA NA REPÚBLIKA DOMINIKANA PA NOS PROMÉ PARTIDO DI E SEGUNDO BUÈLTA DI E CONCACAF WOMEN’S U-20 CHAMPIONSHIP!

 

NOS SELEKSHON NASHONAL FEMENINO KATEGORIA U-20 TA NA REPÚBLIKA DOMINIKANA PA NOS PROMÉ PARTIDO DI E SEGUNDO BUÈLTA DI E CONCACAF WOMEN’S U-20 CHAMPIONSHIP!

 

 

Manera ya nos a anunsiá nos selekshon nashonal femenino a klasifiká pa e segundo buèlta di e CONCACAF Women’s U-20 Championship i lo mester enfrentá e pais ku a terminá komo number un di pul F. Awor ku e partidonan di pul F a konkluí, a bira konosí ku ta Mexico lo bai ta nos kontrinkante pa djasabra awor.

 

Despues di un temporada ekstenso di training despues di nos klasifikashon na sèptèmber último i ku 3 hungadó di Hulanda ku a bin reforsá nos selekshon, awe mainta nos selekshon a biaha pa Repúblika Dominikana pa e kontinuashon di e torneo aki. Nos selekshon a yega bon i lo kontinuá ku e preparashonnan pa nos promé partido di e segundo buèlta ku lo tuma lugá den Stadion Olímpiko Felix Sanchez pa 4’or di atardi kontra Mexico. Importante pa informá ku e segundo buèlta aki ta wòrdu hungá den forma di ‘knockout’. Esei ta nifiká ku e ekipo ku gana ta sigui pa e kuart final miéntras esun ku pèrdè lo regresá kas. Preparashonnan ta kontinuá pa nos selekshon logra sali viktorioso i sigui den kontienda pa e kampionato aki.

 

FFK ta deseá nos selekshon nashonal femenino U-20 tur klase di éksito durante nan promé partido di e segundo buèlta di e CONCACAF Women’s U-20 Championship kontra Mexico aya na Repúblika Dominikana.