Minister Shalten Hato: For di djaluna último 19 di yanüari, mi ta na Barcelona, Spaña pa asistí na ICE Barcelona Conference ku ta tuma lugá na Fira Barcelona Gran Via, kual ta un konferensia ku ta reuní proveedónan di solushon i profeshonalnan di gaming for di henter mundu.

ICE Barcelona ta e plataforma ku ta yuda pa impulsá i kompartí solushonnan inovativo, teknologia moderno, informashon balioso i oportunidatnan di networking sin igual. Komo e Minister enkargá ku Curaçao Gaming Authority ta di importansia di tin kontaktonan riba nivel internashonal pa Kòrsou tambe por siguí kana ku inovashon i pone nos mes na altura di e desaroyonan mas resiente den e industria, inkluí regulashon, integridat, responsabilidat i koperashon internashonal. A traves di ICE, Kòrsou por sigui fortalesé su rol komo partner serio den supervishón di gaming na nivel lokal i internashonal.

Barcelona, Spaña

ICE Barcelona

Konektando regulashon, inovashon i koperashon internashonal