Kontrol di Tim Multi-disiplinario ku detenshon
KUERPO POLISIAL KQRSOU
KOMUNIKADO DI PRENSA
035/2026
3 februari 2026
Kontrol di Tim Multi-disiplinario ku detenshon
Djamars 3 di febuari 2026 alrededor di 10.40’or, e Tim Multi-disiplinario huntu ku UST, a tene kontrol dirigi na un establesimentu riba Sta. Rosaweg.
Durante di e kontrol riba un homber ku tabata na e sitio, personal di UST a hana i konfiska un arma di kandela.
Mesora a detene e homber A.C.R. di 59 ana di edat nase na Aruba, relashona ku violashon di lei di arma di kandela.
A presenta e sospechoso dilanti di un fiskal ouksiliar ku a ordena su enkarselamentu pendiente di mas investigashon.
