KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Petishon pa ora di pregunta tokante situashon serio na ORV

Presidente di Parlamento di Kòrsou
Sr. Fergino H.E. Brownbill
Wilhelminaplein 4

Presente

Willemstad, 5 di februari 2026.

Tópiko: ‘Petishon pa ora di pregunta tokante situashon serio na ORV’.

Apresiabel Sr. Brownbill, Debí na informashon publiká últimamente tokante tenshon i problema serio di organisashon i posishon hurídiko na ORV, suskrito ta pidi Presidente di Parlamento pa organisá un ora di pregunta ku Minister di Hustisia.
Segun informashon publiká, posishon legal di trahadónan di ORV i tambe hende di otro
ministerionan por ta na peliger pa motibu di falta di struktura legal konkreto.
E situashon aki por tin konsekuensia pa formashon di Polis i pa stabilidat di personal den sektor di seguridat i hustisia.
Pa e motibu di importansia di e tema aki pa Pais, suskrito ta pidi un ora di pregunta pa Minister di Hustisia Sr. S. Hato por bin duna klaridat den Parlamento durante un ora di pregunta tokante e situashon aktual entorno ORV i e plan pa solushon struktural di ORV.

Konkretamente:
Segun último informashonnan:
 Tin problema serio den organisashon di ORV.
 Posishon legal di ORV no ta konkreto.
 Sindikatonan NAPB, SAP y ABVO ta alerta ku:
o posishon hurídiko di empleadonan di ORV ta na peliger, o tambe hende di otro ministerionan ku ta sigui kurso na ORV por keda den
problema legal, o algun empleado no por terminá nan estudio òf no por sigui den funshon públiko manera mester.

Problema prinsipal:
ORV ta operá sin base legal konkreto, i esaki por tin konsekuensia pa:
 kontrato di trabou,
 nombramentu,
 posishon legal,
 derechonan di personal.
Minister a indiká ku tin trabou pa pone regla i klaridat, pero te ainda no tin solushon definitivo.
Esaki ta pone preshon riba gobierno pa resolvé situashon lihé.

Den kwadro di e susesonan ariba menshoná, suskrito tin e siguiente preguntanan pa Minister di Hustisia:
1. Minister, ki ora bo a risibí e promé señal ku ORV tabata den problema serio?
2. Pakiko e situashon aki a keda tantu tempu sin solushon?
3. Ken ta karga responsabilidat polítiko pa e desaroyo di e problema aki?
4. Ta berdat ku posishon hurídiko di empleadonan di ORV awor ta na peliger?
5. Tin empleado ku por pèrde nan trabou òf nan nombramentu pa motibu di e problema
legal aki?
6. Tin hende ku no por terminá nan estudio pa motibu di problema organisatorio na ORV?
7. Kon ta posibel ku un instituto importante manera ORV ta operá sin base legal pa tantu
aña?
8. Tin personal ku ta hasi trabou di Polis sin tin outorisashon legal pa esaki?
9. E situashon aki por krea problema legal pa Pais Kòrsou?
10. Minister ta rekonosé ku Gobièrno a keda atras den resolvé e problema aki?
11. Reforma di ORV lo resultá den hende ku lo pèrde nan trabou òf kambia di funshon
obligatoriamente?
12. Ki ora Minister por presentá un plan definitivo pa e organisashon nobo di ORV?
13. Kon Minister lo protehá derechonan di empleadonan durante e reorganisashon?
14. Minister por komprometé pa manda un plan konkreto na Parlamento den tres luna ku
solushon, planiamentu i protekshon pa personal?
Mi ke enfatisa ku meta di e preguntanan aki ta trese klaridat pa e trahadónan riba nan futuro direkto.
Mi suplika ta bai na Minister di Hustisia pa trese klaridat i kita inseguridat i inkietut bou di trahadónan, nan famia i komunidat di Kòrsou kompletu.
Gradisiendo di antemano pa e kontestanan mi ta keda.
Atentamente,
Shaheen Elhage
Miembro di Frakshon di PAR den Parlamento di Kòrsou

 

 

639114718427035"
639114718427035"