𝐃𝐞𝐤𝐥𝐚𝐫𝐚𝐬𝐡𝐨𝐧 𝐎𝐟𝐢𝐬𝐢𝐚𝐥: 𝐍𝐞𝐮𝐭𝐫𝐚𝐥𝐢𝐝𝐚𝐭 𝐏𝐨𝐥𝐢́𝐭𝐢𝐤𝐨 𝐝𝐢 𝐈𝐠𝐥𝐞𝐬𝐢𝐚 𝐀𝐭𝐯𝐞𝐧𝐭𝐢𝐬𝐭𝐚 𝐝𝐢 𝐒𝐡𝐞𝐭𝐞 𝐃𝐢𝐚

Durante último fin di siman, un deklarashon a sirkulá riba medionan di komunikashon sosial den kua e Presidente di Asosiashon di Iglesianan Atventista na Kòrsou a ekspresá ku el a vota pa un miembro spesífiko di Parlamento.

Nos ke klarifiká ku Iglesia Atventista di Shete Dia ta mantené un posishon kla i konsistente di neutralidat den asuntonan polítiko partidista. Iglesia no ta respaldá ni promové ningun partido polítiko ni kandidato.

E deklarashon ku a hasi ta reflehá un desishon personal di un siudadano den e ehersisio di su derecho síviko. Esaki no ta representá, ni por interpretá esaki komo, un respaldo institushonal di parti di Iglesia Atventista.

Nos ta reafirmá nos kompromiso ku:

• Separashon entre Iglesia i Estado.
• Libertat di konsenshi.
• Unidat entre nos miembronan.

Nos mishon prinsipal ta spiritual i pastoral, i nos ta sigui enfoká riba sirbi komunidat ku amor, rèspèt, i integridat.

Nos ta gradisí tur persona ku ta komprondé i respetá e posishon institushonal di nos Iglesia.

Union Karibe Hulandes di Iglesianan Atventista di Shete dia

Scalaweg # 7, Curaçao

9 di febrüari 2026