Rekordatorio petishon reunion públiko enkuanto Kas di Kòrsou i Minister Plenipotensiario

Presidente di Parlamento
Sr. Fergino Brownbill
Wilheminaplein 4
Presente
Kòrsou, 10 di febrüari 2026
Tópiko: Rekordatorio petishon reunion públiko enkuanto Kas di Kòrsou i Minister
Plenipotensiario
Apresiabel señor Brownbill,
Dia 15 di janüari último, miembronan di Parlamento sres Elhage, McWilliam, Camelia Römer, Larmonie i suskrito a aserka bo persona ku e petishon pa un reunion públiko urgente enkuanto e problematika públiko di Kas di Kòrsou i Minister Plenipotensiario.
Apesar ku entretantu èks Minister Plenipotensiario (GevMin) sr Manuel a tuma su retiro, echo ta ku maneho di Kas di Kòrsou ta keda un tema urgente i aktual, sigur mirando ku trahadonan ketubai ta keha públkamente di maltrato laboral ku a sigi despues di retiro di èks GevMin.
Entretantu a pasa mas ku 4 siman i suskrito no a tuma nota ku a fiha un fecha pa e reunion aki tuma lugá, konforma reglamentu di Orden.
Suskrito tin ku remarká di ta tuma nota ku di parti di sr Presidente tin un tardansa remarkabel pa atende petishonnan relatá na e tema di Kas di Kòrsou. Entretantu nos ta tuma nota den medionan di komunikashon ku mas Parlamento di Kòrsou tarda pa atende „nos problemanan“, mas desesperashon di trahadónan krese i nos „paña sushi“ ta wòrdu kologá pafo, poniendo kara di nos komunidat kompletu na bèrgwensa.
Komo tal suskrito ta supliká bo persona pa mas pronto posibel yama e reunion ariba menshoná pa asina Parlamento por asumí su responsabilidat i juda trese klaridat i duna direkshon riba e tema aki.
Gradisiendo bo di antemano pa bo kontesta rapido mi ta keda,
Atentamente,
Quincy Girigorie
Frakshon di PAR
Parlamento di Kòrsou