Klaridat tokante kompra di dos ambulans defisiente  !!

Klaridat tokante kompra di dos ambulans defisiente  !!

Awe, 8 luna despues, tabatin kontinuashon di un komishon sentral di 19 di yüni 2025 unda Minister a bin duna kontesta riba preguntanan hasí den promé tanda. Den e segunda tanda mi persona mi a bolbe trese mi preokupashonnan dilanti i a hasi demas preguntanan tokante  kompra i funshonamentu di e 2 ambulansnan di FKAK, ku a okashoná hopi komoshon bou di trahadónan i tambe pueblo engeneral. Ta kon por kumpra un ambulans ku no ta pasa bou di e porta di CMC ?

Remarkabel ta e echo ku awor a resultá ku nunka e 2 ambulansnan en kuestion a drenta funshon bou di FKAK. E ambulansnan aki tin 8 luna para pornada, ta kwe stòf. Apesar ku a paga alrededor di 350.000 Xcg pa nan. E ambulansnan no a keda ni usá pa koré hiba personal.

Esaki ta nifiká di na lugá di 9 ambulans, FKAK tin 7 ambulans den funshon. Lokual den pasado a keda indiká di no ta sufisiente, sigur teniendo kuenta ku tin ambulans ku ya a yega nan momento pa sali for di rotashon.

Otro preokupashon ku mi a trese dilanti den e reunion di awe ta ku e outoridat legal di FKAK, segun e dekreto nashonal, a terminá 31 di ougùstùs 2025. I gobièrnu no por a presentá un dekreto nashonal nobo, kaminda ta indiká ku a prolongá e outoridat legal di FKAK. Ken ta responsabel si algu sosodé mientras FKAK no tin un mandato ofisial ?

Presidente di Parlamento a indiká di lo kontinuá e reunion den promé siman di luna di mart.

Mi persona ta keda pendiente i ta spera ku Parlamento por risibí e kontestanan mas pronto ku ta posibel, na bienestar di salú di nos pueblo

Shaheen Elhage

Parlamentario frakshon di PAR