PTH ta laga kita vehíkulonan stashoná robes riba parsela di prekario

Willemstad – Projectteam Toezicht en Handhaving (PTH) ta laga kita vehíkulonan stashoná robes riba parsela di prekario di kliente. Esaki a tuma lugá riba djadumingu 15 di febrüari 2026 despues ku PTH a risibí notifikashon.

Un vehíkulo tabata stashoná riba e parsela 329, i e doño no tabata presente. Un otro vehíkulo tabata stashoná riba parsela 1355A. E doño no tabata na e sitio Pa e motibu aki, kran a kita e vehíkulonan bai ku nan.

PTH ta hasi un apelashon na tur persona ku ta tráfiko riba ruta di karnaval, pa respetá parelanan marká di klientenan di prekario. Di e forma aki, nos tur por disfrutá na un manera ordená.