Korps Politie Caribisch Nederland – KPCN: Marcha di Despedida Grandi
*UPDATE #1: Marcha di Despedida Grandi*
Marcha di despedida na Playa a start 8.22 or di anochi. Polis a tene kòntròl riba vehíkulo i e shofùrnan ku ta partisipá den e marcha. Durante kòntròl, a kontrolá tur shofùr riba reibeweis bálido i tambe dokumento di seguro. Tambe a hasi un tèst di supla ku tur shofùr, dirigí riba uso di alkohòl, i tur a pasa esaki ku éksito.
Ademas, polis a tou un outo ku tabata blòkia barikada na Kaya Lisboa.
Laga nos ban disfrutá di e Marcha di despedida na un manera seif i responsabel.
*Kòrda riba e reglanan di seguridat:*
* Ta estriktamente prohibí pa blòkia barikada.
* No skùif of kita barikada for di nan lugá.
* Ta prohibí pa konsumi òf bende bebida den glas.
* Evitá violensia i kualke tipo di mal komportashon.
_Polis lo aktua estriktamente kontra tur ku ta forma un peliger pa seguridat di e públiko i partisipantenan durante i despues di marcha._
*UPDATE #2: Marcha di Despedida Grandi*
Polis a duna dos shofùr but na Kaya General Carlos Manuel Piar i un shofùr na Kaya Kanari pa blòkia barikada.
Ademas a tou un outo na Kaya Kanari pa stashoná tras di barikada, debí ku e shofùr no tabata den serkania di e outo.
Algun ratu despues a duna un persona but pa habri barikada na Kaya Italia i a tou un pikòp na Kaya General Carlos Manuel Piar.
_Polis lo aktua estriktamente kontra tur ku ta forma un peliger pa seguridat di e públiko i partisipantenan durante i despues di marcha._
*UPDATE #3: Final Marcha di Despedida Grandi*
*Nos a yega na final di Karnaval 2026 *
Karnaval 2026 a sera ku hopi koló, lus, alegria i un ambiente di union den nos komunidat.
Total 23 vehíkulo i 9 grupo a partisipá den e marcha di despedida.
Den e último ratu di e marcha, polis a duna 2 shofùr but pa stashoná tras di barikada: Un na Bulevar Julio A. Abraham i e otro na Kaya Lisboa.
Tambe a atendé ku algun mucha ku a subi riba konteiner na altura di stadion, esaki pa garantisá nan seguridat.
E marcha a kaba 11.35 or di anochi. Na final di anochi a kima Rei Momo i e fiesta a sera ku un show di vürwerk. Tur kos a terminá eksaktamente 12 or di mardugá.
Kuerpo Polisial Hulanda Karibense ta yama danki na komunidat di Boneiru pa e bon koperashon, komportashon kantu di kaya i respèt durante Karnaval 2026. Konhunto nos a hasi esaki posibel.
639114718427035"
639114718427035"