Mantenshon di kaya den área di Sabana Cras
Tráfiko, Transporte i Planifikashon Urbano
Mantenshon di kaya den área di Sabana Cras
Publiká riba 19 Febrüari 2026
Willemstad – Minister Charles Cooper huntu ku Servisio pa Obra Públiko (OW) ta informá ku entrante djaluna 23 di febrüari 2026, trabounan di mantenshon den área di Fuik ta bai tuma lugá den área di Sabana Cras riba Kaya Campeshi, Kaya Cohara, i Kaya Castaña. Esaki lo tin un durashon di 3 siman.
E trabou ta konsistí di asfaltá parti di e kareteranan ku ta den mal estado. Kontratista Succespro ta enkargá ku ehekushon di e trabou.
Durante ehekushon di e trabounan aki, habitantenan i negoshinan ku ta keda den e área por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa bari oraño i bòrchinan.
Minister Charles Cooper i OW ta hasi un apelashon na tur outomobilista pa kore ku koutela.
