Ministerio di Hustisia ta para ketu riba Dia Internashonal di Hustisia Sosial

Willemstad – awe 20 di febrüari 2026, riba Dia Internashonal di Hustisia Sosial, un dia ku mundialmente ta pone enfoke riba igualdat, mesun oportunidat i tratamentu hustu pa tur hende.

Hustisia sosial ta un piedra fundamental pa un komunidat stabil, sigur i inklusivo. Protegé derechonan di tur persona, spesialmente esnan mas vulnerabel, ta un responsabilidat importante di Ministerio.

Mediante maneho, kolaborashon ku partnernan di kadena i fortifikashon kontinuo di lei i regulashon, Ministerio ta traha aktivamente pa un òrden hustisial kaminda kada siudadano ta sinti su mes tende, protegé i respetá.

“Un sosiedat ta bira realmente fuerte ora hustisia no ta solamente un prinsipio, pero un realidat di tur dia. Huntu nos ta konstruί un Kòrsou kaminda oportunidat ta distribuί di forma hustu i derechonan ta garantisá.”

Ministerio di Hustisia ta hasi un yamada na siudadanonan, organisashonnan sosial i instansianan públiko pa asumί responsabilidat huntu den promoveshon di hustisia sosial na Kòrsou.