KUERPO POLISIAL KORSOU

Telefon: 724-6157 • 724-6153

KOMUNIKADO DI PRENSA                                  

053/2026

21 februari 2026

Detenshon relashona ku maltrato i menasa

Djasabra 21 di februari 2026 alrededor di 00.15’or, Sentral di Polis a dirigi un unidat polisial di warda di polis Punda pa Dr. M.L. King boulevard na altura di un establesimentu di permit, pa un kaso di maltrato i menasa.

Na yegada die unidat, un dama a splika e agentenan ku un ratu prome e tabatin diskushon ku su pareha i ku e ultimo aki lo a maltrat’e na su wowo i menas’e ku morto.

E agresor no tabata na e sitio mas na momentu ku polis tabata atende ku e dama.

Kontinuando ku e investigashon, un ratu despues, polis a bin topa e sospechoso, net na momentu ku el a kaba di yega su kas den Kaya Sakado. Mesora polis a hasi detenshon di e homber E.E.S. di 36 ana di edat nase na Korsou pa maltrato i menasa.

 

A present’e dilanti di un fiskal ouksiliar ku a ordena su enkarselamentu pendiente di mas investigashon.